-قصة مستوحاة من الواقع-
- صباح الخير، كيف حالك جارتنا؟! شو أخبارك؟!
- بخير، يلي من الله منيح!! عم حاول حسن نفسيتي!
- أووف، ليش شبها نفسيتك؟! شو القصة ليش زعلانة!!
- ما معك خبر؟! انفصلنا أنا ورائد!!!
- شو السبب؟! والله يلي بعرفو أنو شب آدمي!
- هاه بتعرفي رائد أنتِ كمان؟!
- شخصياً لا، بس بتوصلني المقالات يلي بكتبها، شي حلو كتير، هيأتو فهمان، متعلّم، طيوب، وابن ناس!! شو ما حبيتي يعني؟!
- حبّو برص!!! قال حبّو قال، شو عم تحكي أنت؟! ما قلت عم توصلك مقالاتو، وأبصر لمين عم يبعتها ..
- له له، شو هالحكي يا جارة، الزلمة ابن ناس ما بصير هاك !!
- طيب ما بحقلي أسأل كيف عم توصلك هالرسائل؟!
- عالواتس أب، في حدا على مجموعة "جارات بالحارات" عم يحطهن، فقلت أكيد هيدا هو، لأنّ آخر شي بيمضي باللون الأزرق "رائد مور"!!!!
- آآآخ ..
- سلامتك، بس شايفة شو مهضوم .. بالله عليك سأليلنا ياه كيف هاك بلونّ هالكلمات؟! لك نسيت انفصلتوا، عفوا"!!
- كل يوم بلاقي أرقام جديدة وما بعرفها، باعتتلي هالرسائل، ولما بشوف صورة البروفايل بتطلع بنت، ولما بسألها كيف وصلتها هالمقالات يلي كاتبها رائد؟ بتعملي بلوك؟!! فحقي أزعل ولا لا؟!!!"
- لا هاك حقك، فعلاً يا ما تحت السواهي دواهي! الظاهر هيدول بس بدن يقهروكي !!!
- شايفة، وبتقوليلي ليش انفصلنا؟!
- أحسن، العما شو كانت كتاباته بايخة، وبلا منطق، يظهر كان قليل الفهم لأنّو خطب وحدة جاهلة متلك ...!! -كانت الجارة عم تحكي مع حالها-
- يلا كلو خير، الانسان ما بياخد إلّا نصيبه بهالحياة!!
- ليكو بعتلي رائد رسالة جديدة هلّا، تعي شوفيها!
- العما شو هالحكي، ما بتفهمي!!!
- ليش هاك عم تحكي؟! صحي انفصلتوا .. ما تواخذيني!!
- الله يباركلك بيلي بدك تقرأيه، بس طالما بعتلك رسالة لإلك، فاسأليه كيف بيقدر يكتب اسمه باللون الأزرق؟!!
أحمد هاجر- 11-12-2017
ليست هناك تعليقات:
إرسال تعليق